Firma gjermane dërgon makina për përpunimin e metaleve, si dhuratë në Shqipëri

Makinat e përdorura por në gjendje shumë të mirë, me vlerë prej disa mijëra eurosh gjejnë përdorim në Shqipëri në një Qendër për Stimulim Profesional

Tetë makina të madhësive të ndryshme për përpunimin e metalit ashtu si dhe shumë arka me pjesë ndërrimi dhe vegla kanë arritur ditë më parë në fondacionin “Imzot Lucjan Augustini” në Shqipëri. Ato janë dhuruar nga ndërmarrja “Kassecker-Gruppe” nga Waldsassen-i, shkruan onetz.de.

Ndërsa transportin e ka organizuar “Aktion Solidarität” të cilit i prin Geroldine Ondrusek nga Tirschenreuth.

Makinat e përdorura por në gjendje shumë të mirë, me vlerë prej disa mijëra eurosh gjejnë përdorim në Shqipëri në një Qendër për Stimulim Profesional. Nxënësit e rinj aty mësojnë për përdorimin e makinave speciale por edhe në përgjithësi për përpunimin e metalit, drurit dhe gurit, transmeton albinfo.ch. Me këto makina është siguruar puna e qendrës së përmendur për së paku dhjetë vitet e ardhshme.

Kështu, të rinjve u ofrohet një perspektivë e vërtetë për të startuar me një profesion drejt një të ardhme më të mirë. “Unë jam njohur me `Aktion Solidarität` nga një artikull gazete, përcjell albinfo.ch. Në kohën kur makinat e mirëmbajtura të përpunimit të metaleve do t`i zëvendësonim me të rejat, unë pyeta nëse mund të hynin në shërbim”, thotë menaxheri i “Kassecker”, Josef Andritzky duke shprehur kënaqësinë me faktin se çdo gjë ka rrjedhur mirë.