Shkurt.ch
Çdo i dyti mysliman në Zvicër ndihet i diskriminuar!
Studimin e realizuar nga GFS Bern, e ka porositur Unioni i Demokratëve Evropianë (UETD), një organizatë që kritikohet për afërsinë e saj me presidentin turk, Erdogan
Më shumë se çdo i dyti mysliman i anketuar në kuadrin e një studimi më të ri, thotë se ndihet i diskriminuar mbi bazë të përkatësisë së tij fetare. Sipas studimit të realizuar nga Instituti për Hulumtimin e Opinionit GFS Bern, 55 për qind nga të anketuarit kanë qenë vetë gjatë 12 muajve të fundit cak i akteve diskriminuese ose njohin persona të tjerë që janë diskriminuar mbi këtë bazë.
Lidhur me këtë studim sot kanë shkruar portaklet e gazetave “Blick” dhe “20 minuten”.
Vargu i akteve diskriminuese sipas studimit është relativisht i gjatë dhe aty bëjnë pjesë edhe dëmtimi i pasqyrave të makinave, kërcënimet dhe madje, vendosja e kokave të derrit para xhamive.
Për realizimin e këtij studimi (jo reprezentativ) janë anketuar 511 myslimanë të Zvicrës, transmeton albinfo.ch. 35 për qind të tyre janë ndier deri tash si viktima të kriminalitetit mbi bazë të urrejtjes. Me këtë kuptohen aktet e dhunshme të drejtuara kundër personave dhe objekteve që konsiderohen si “të huaj-a” ose “të ndryshme”.
Para së gjithash gratë e mbuluara me shami janë caqe të sulmeve në fjalë. Ato rrëfejnë për pështyrjet në supermarkete ose për përpjekjet që t`u hiqet shamia nga koka. Pastaj, 57 për qind të të anketuarve thonë se ata me qëllim sillen në mënyrë të tërhequr që të mos bien në sy.
Studimin e realizuar nga GFS Bern në bashkëveprim me organizata të ndryshme myslimane, e ka porositur Unioni i Demokratëve Evropianë (UETD). Por UETD, është një organizatë që kritikohet për afërsinë e saj me presidentin turk, Erdogan, transmeton albinfo.ch. Mirëpo, shefi i GFS Bern Lukas Golder e arsyeton kështu publikimin e studimit: “Kemi përshtypjen se kemi anketuar një segment mjaft të gjerë të myslimanëve dhe kështu është dhënë një mundësi e mirë e shpërfaqjes së përvojave dhe qëndrimeve lidhur me diskriminimin”.
Të tjera nga Shkurt.ch
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Pritet trafik i rënduar gjatë majit në Zvicër USTRA paralajmëron trafik të rënduar gjatë pushimeve, veçanërisht në autostradat A2 dhe A13, duke ju këshilluar...
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit