Tematike
Presidenti i ri, Berset, vizitën e parë ndërkombëtare e bën në Austri
Në takimet e ndara me presidentin dhe me kancelarin austriak, në qendër të bisedimeve do të jenë çështjet që lidhen me marrëdhëniet bilaterale dhe ato të politikës evropiane të Zvicrës
Udhëtimin e parë zyrtar në cilësinë e presidentit të Konfederatës, Alain Berset do ta bëjë javën e ardhsme në Vjenë. Me vizitën në Austri, ai vazhdon traditën të cilën Zvicra dhe Austria e kultivojnë për të bërë vizita të ndërsjella në fillim të vitit në nivelin presidencial. Përveç me presidnetin federal të Austrisë, Alexander Van der Bellen, Berset do të takohet më 9 janar, e martë, me kancelarin e ri federal, Sebastian Kurz.
Për të hënën janë planifikuar bisedime me përfaqësues të organizatave ndërkombëtare që kanë selinë në Vjenë, thuhet në një komunikatë nga Zyra Presidenciale.
Në takimet e ndara me presidentin dhe me kancelarin austriak, në qendër të bisedimeve do të jenë çështjet që lidhen me marrëdhëniet bilaterale dhe ato të politikës evropiane të Zvicrës, shkruan albinfo.ch. Austria, në gjysmën e dytë të vitit 2018 meerr kryesimin e Këshillit të BE-së.
Në takimin me homologun e tij, presidentin austriak Van der Bellen, do të jetë e pranishme edhe ministrja e re e shëndetësisë dhe punëve sociale, Beate Hartinger-Klein. Është planifikuar po ashtu edhe një takim me ministrin e kulturës dhe të çështjeve evropiane, Gernot Blümel.
Të hënën presidenti i Konfederatës së Zvicrës, Alain Beerset do të takohet me katër përgjegjës të organizatave ndërkombëtare që kanë selinë në Vjenë: Juri Fedotow, Yukiya Amano , Thomas Greminger dhe Harlem Désir.
Për përmbyllje të vizitës është planifikuar vizita e ekspozitës së piktorit të njohur zviceran të shekullit 19, Ferdinand Hodler në “Leopold Museum”. Në cilësinë e tij si ministër i kulturës, Berset kishte marrë gjatë vitit 2017 patronatin mbi këtë ekspozitë së bashku me ish ministrin austruak, Thomas Drozda. Bëhet fjalë për ekspozitën deri tash më të rëndësishme të piktorit zviceran në Vjenë, qytet ky në të cilin ai ka bërë depërtimin përfundimtar në skenën ndërkombëtare të artit.
Të tjera nga Tematike
E-Diaspora
-
Belgjikë: Arrestohen disa shqiptarë për këto motive Me kërkesë të prokurorisë publike dhe policisë, shërbimet komunale të Olen në Belgjikë çmontuan një plantacion...
-
Gjermani
Humb jetën tragjikisht mërgimtari në Gjermani
-
Gjermani
Dy shqiptaret që morën vëmendje gjatë ndeshjes Bayern Munich-Real Madrid në Allianz Arena
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
Jeta në Zvicër
-
McDonalds do të hapë shtatë restorante të reja në Zvicër këtë vit Gjiganti amerikan i ushqimit të shpejtë McDonald’s planifikon të hapë shtatë lokacione të reja në Zvicër...
-
Zvicër: Së shpejti pritet ulje e çmimit të faturave të energjisë elektrike
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur