Njëri fiton 560 milionë dollarë, tjetri 450 milionë dollarë

Njëri ka fituar 560 milionë dollarë në lotarinë Powerball, kurse tjetri në Florida ka fituar 450 milionë dollarë në lotarinë Mega Millions

Dy persona të ndryshëm kanë fituar lotari në Shtetet e Bashkuara të Amerikës, në vlerë prej 1 miliard dollarë.

Dy personat nuk kanë lidhje njëri me tjetrin, dhe thjesht ishin shumë me fat në këtë fundjavë, që sigurisht se nuk do ta harrojnë kurrë në jetën e tyre, përcjell albinfo.ch.

Njëri ka fituar 560 milionë dollarë në lotarinë Powerball, kurse tjetri në Florida ka fituar 450 milionë dollarë në lotarinë Mega Millions, raportojnë mediat e huaja.

Emrat e fituesve ende nuk janë bërë të ditur.

Vlera prej 560 milionë dollarëve është shifra e gjashtë më e lartë në Powerball e fituar ndonjëherë.

Por, me fat nuk ishte blerësi, por edhe pronari i marketit, i cili do të përfitojë 75 mijë dollarë. Derisa ky fatlum është Sam Safa.

Tiketa e Mega Millions është cilësuar si e katërta sa i përket shifrës së fituar.

Dyqani ku është blerë kjo tiketë do të fitojë 100,000 euro për shitjen e saj.