Edhe kryetari i Kamenicës jep dorëheqje nga funksionet në LVV  

Kastrati ka thënë se është i zhgënjyer me situatën e krijuar dhe shpreson se veprimi i tij ta kthejë vëmendjen te nevoja urgjente për zgjidhjen këtij problemi

Listës së të dërhequruve në Lëvizja Vetëvendosje i ësht bashkuar sot edhe kryetari i Kamenicës, Qëndron Kastrati i cili ka thënë se kjo parti po kalon nëpër një periudhë të vështirë. Kastrati ka thënë se është i zhgënjyer me situatën e krijuar dhe shpreson se veprimi i tij ta kthejë vëmendjen te nevoja urgjente për zgjidhjen këtij problemi.

“Atmosfera që mbizotëron midis nesh është e papranueshme sepse nuk i ngjan aspak ambientit të Lëvizjes që ne e njohim. Sharjet e fyerjet midis nesh nuk i kontribuojnë zgjidhjes së problemit. Prandaj, ato duhet ndaluar sa më parë. Kush i gëzohet dorëheqjes se aktivistëve, nuk i kontribuon Lëvizjes dhe askujt brenda Lëvizjes, pavarësisht qëndrimeve që mund të kesh mbi arsyet e tyre. Së paku, ata po dorëhiqen dhe dorëheqja meriton respekt. Kontributin e tyre nuk mund ta marrë era nëse ke pasur mospajtime vitin e fundit”, ka shkruar Kasrati.

Dorëheqje sot nga kjo parti kanë dhënë edhe  Vlorian Molliqaj vëllai i Dardan Molliqajt dhe Delegati i Këshillit të Përgjithshëm në Gjermani, Kujtim Robelli. Për dorhëqjet ka folur edhe Kryetari i Prishtinës, Shpend Ahmeti  i cili tha se nuk është normale ajo çka po ndodh n këtë parti. Sipas tij, të dorëhequrit mbesin ende anëtarë të partisë, pavarësisht largimit nga pozitat.