Kosova
Vrapimi “Shtegu i Shpresës”, mundësi pjesëmarrjeje edhe për bashkatdhetarët
Nën moton “Shtegu i Shpresës: I kujtojmë të gjithë”, KTRA synon të përkujtojë sakrificën e madhe të qytetarëve të Kosovës për lirinë e brezave të ardhshëm të saj dhe ndërtimin e shtetit të pavarur e të qëndrueshëm
Për të shënuar 20 vjetorin e luftës për çlirimin e Kosovës dhe 10 vjetorin e shpalljes së pavarësisë, Asociacioni Kosovar për Vrapim Malor (Kosova Trail Running Association – KTRA) organizon më 3 dhe 4 mars vrapimin 100 kilometërsh përgjatë vatrave kryesore të rezistencës gjatë luftës në Kosovë.
Nën moton “Shtegu i Shpresës: I kujtojmë të gjithë”, KTRA synon të përkujtojë sakrificën e madhe të qytetarëve të Kosovës për lirinë e brezave të ardhshëm të saj dhe ndërtimin e shtetit të pavarur e të qëndrueshëm, përcjell albinfo.ch.
Shtegu i vrapimit, që përfshinë ngjitje prej 2000 metra, fillon në Prekaz te kompleksi përkujtimor “Adem Jashari” për të vazhduar në Likoshan, Gllogjan dhe me përfundim në Koshare, në brezin kufitar me Republikën e Shqipërisë.
Ky vrapim njëherit shënon aktivitetin e parë të këtij lloji të organizuar në Kosovë dhe synon që Kosovën ta vendosë në hartën turistike.
“Në mbamendjen tonë kolektive këto ditë janë ditë të dhembjes së madhe”, deklaroi Arineta Mula, drejtoreshë e KTRA-së.
“Duke vrapuar përgjatë këtyre fshatrave ne do të përkujtojmë sakrificën sublime që u bë që ne të jetojmë në liri dhe paqe. Njëkohësisht, është një premtim për të ecur përpara, premtim që gjithë këtë vuajtje dhe dhembje do ta njohim dhe do ta shndërrojmë në forcë për ta ndërtuar Kosovën dhe për ta lartësuar idealin e lirisë për të gjithë”, theksoi Mula.
“Regjistrimi për vrapimin “Shtegu i Shpresës” tashmë është hapur. Për informata më të hollësishme rreth regjistrimit ju lutem vizitoni faqen e KTRA në Facebook.com/teamKTRA, www.ktra-ks.com ose dërgoni pyetjet tuaja në email adresën [email protected].
Ky aktivitet tashmë është bërë i njohur edhe me hashtagun
#trailofhope100”, thuhet në njoftim.
Kjo do të jetë një mundësi edhe për bashkatdhetarët që gjenden në Kosovë të marrin pjesë. Këtë aktivitet e kanë përkrahur edhe shumë politikanë, sportistë dhe artistë.
Regjistrimi
https://docs.google.com/forms/d/e/1FAIpQLScnFe7hrJzjmY45NM8ndYNiRNKS1shS4TOxQBMqZIN5Hp-96w/viewform
Shtegu
Shtegu do të jetë i ndarë në këto 4 segmente:
Prekaz-Likoshan 14km
Gllarevë (Hotel Nora) – Koshare 50km
Gllogjan – Koshare 21km
Prekaz – Koshare 100km
E-Diaspora
-
Vjenë
Vjenë: Kori Siparantum edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësimeve më dinjitoze të Kosovës, përcjell...
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
Jeta në Zvicër
-
Udhëtimi me tren nga Zvicra në këto qytete italiane do të ndërpritet për tre muaj Nga 9 qershori dhe për të paktën tre muaj, shërbimi i trenave midis qyteteve italiane Domodossola...
-
Mentor Latifi është emëruar ambasador i ri i Kosovës në Zvicër
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore