Shqiptari Mark Gjonaj inaugurohet për Këshillin Bashkiak të Nju Jorkut

Gjonajt iu desh një betejë e ashpër për të fituar postin e anëtarit të Këshillit Bashkiak të distriktit të 13-të të qytetit të Nju Jorkut

Shqiptarët përtej Atlantikut po lënë gjurmë në biznese e në administratën amerikane. Sot në një ceremoni inauguruese, shqiptaro-amerikani Mark Gjonaj dha betimin si anëtar i Këshillit Bashkiak të Nju Jorkut. Ky është posti i dytë i Gjonajt, pas shërbimit pesëvjeçar si asambleist i Nju Jorkut e me këtë, si shqiptari i parë në historinë e emigracionit tonë brenda legjislativit të shtetit amerikan.

Gjonajt iu desh një betejë e ashpër për të fituar postin e anëtarit të Këshillit Bashkiak të distriktit të 13-të të qytetit të Nju Jorkut. Në ceremoninë inauguruese morën pjesë autoritete të larta të shtetit amerikan, përfaqësues diplomatik të Shqipërisë dhe të Kosovës, si dhe nga komuniteti shqiptar në SHBA, transmeton RTK.

Me këtë rast, ambasadorja e Republikës së Kosovës në Shtetet e Bashkuara të Amerikës, Vlora Çitaku tha se Kosova ndjehet krenare me të arriturat e Gjonajt.

“I dashur Mark. Ne të gjithë në Kosovë jemi krenar me ju. Jemi krenar me

“Pozitën tuaj të re e cila do të jetë me siguri një sfidë e re për ju. Karriera juaj politike në njërën anë është një shembull i ndritur i respektit ndaj familjes, traditës dhe rrënjëve shqiptare, ndërsa në anën tjetër është konfirmimi më i mirë i realizimit të ëndrrës amerikane, e cila me siguri do të shërbejë si një udhërrëfyes për shumë shqiptarë të tjerë të cilët jetojnë në këtë vend madhështor”, shkruan Çitaku, transmeton RTK.

“Neve, vetëm disa javë na ndajnë nga Dita e Pavarësisë së Kosovës dhe ekzistenca jonë si shtet. Por, ne kurrë s’ do të bëheshim shtet pa mbështetjen politike, diplomatike dhe ushtarake të Shteteve të Bashkuara të Amerikës. Ndaj ne do t’i jemi përgjithmonë mirënjohës shtetit dhe popullit amerikan”, tha  ambasadorja Çitaku.

I lindur dhe i rritur në Bronks të Nu Jorkut, si bir i një emigranti shqiptar, Mark Gjonaj diplomoi në fushën e Marketingut në St.John’s University. I inkurajuar nga dashuria e familjes, miqve dhe komuniteteve si dhe motivuar nga vështirësitë nëpër të cilat kaloi familja e tij dhe nga mundësitë e mëdha që ua ofroi atyre shteti amerikan, Gjonaj, i cili prej vitit 2012-të deri në vitin 2017 shërbeu si asambleist në distriktin  80-të, ai për të dytën herë bëri histori me fitoren e garës për postin e anëtarit të Këshillit Bashkiak, të distriktit të 13-të në Bronks të  Nju Jorkut.

Ndërsa, sot, ai kurorëzoi fitoren me betimin për këtë post në këtë ceremoni të veçantë inauguruese ku ishte i përcjellë nga bashkëshortja Roberta, të dy djemtë Nikolas dhe Josef, familja e gjere, miqtë si dhe nga komuniteti shqiptar të cilët i bëri krenar gjithmonë.

Përderisa  grupi muzikor “Rozafati” nga Qendra Kulturore “Nënë Tereza” e cila vepron brenda Kishës Katolike Shqiptare, në New York, me një program kulturoro-artisitk përmbylli ceremoninë duke prezantuar brenda këtij metropoli botëror vlerat e çmueshme e të lashta kulturore shqiptare, me të cilat radhitemi denjësisht përkrah popujve të tjerë, transmeton albinfo.ch.