Filmi “The Shape of Water” me më së shumti nominime për OSCAR

“The Shape of Water” këtë vit dominon me nominime për Çmimet Oscar. Mes tjerash, ai është nominuar edhe për Filmin më të Mirë

Filmi “The Shape of Water” këtë vit dominon me nominime për Çmimet Oscar.

Pak më herët janë publikuar nominimet e akademisë. Ky film ka marrë 13 nominime, duke përfshirë edhe atë për filmin më të mirë.  “The Shape of Water” është nominuar edhe për regjinë më të mirë me del Toro, çmimet për aktrim për Sally Hawkins, Octavia Spencer dhe Richard Jenkins.

Ndërsa 8 nominime ka marrë filmi “Dunkirk”, E filmi që u vlerësua me disa çmime në Golden Globes e SAG, “Three Billboards Outside of Ebbing, Missouri” siguroi shtatë nominime për Çmimet Oscar. Këto janë të gjitha nominimet për kategorinë e filmit më të mirë:  “Call Me By Your Name”, “Darkest Hour”, “Dunkirk”, “Get Out”, “Lady Bird”, “Phantom Thread”, “The Post”, “The Shape of Water”, dhe “Three Billboards Outside Ebbing, Missouri”.

Të nominuar për aktoren më të mirë janë: Sally Hawkins – “The Shape of Water” Frances McDormand – “Three Billboards outside Ebbing, Missouri”, Margot Robbie – “I, Tonya”, Saoirse Ronan – “Lady Bird”, Meryl Streep – “The Post” Ndërsa për  aktorin më të mirë janë: Gary Oldman – “Darkest Hour”, Timothee Chalamet – “Call Me By Your Name”, Daniel Day-Lewis – “Phantom Thread”, Daniel Kaluuya – “Get Out”, Denzel Washington – “Roman J. Israel, Esq”.