Nikoliq president i ri i Serbisë

President i ri i Serbisë është zgjedhur, Tomisllav Nikoliq, kurse Boris Tadiq e ka përgëzuar rivalin për këtë fitore. Dallimi në vota ndërmjet tyre është 2 për qind, raportojnë mediat serbe.

Sipas rezultatave preliminare Nikoliq në ruandin e dytë të zgjedhjeve presidenciale ka marrë 49,7% të votave ndërsa Tadiq 47%. Në votime kanë marrë pjesë 46 për qind e zgjedhësve.

Nikoliq ka falënderuar votuesit dhe ka thënë se Serbia nuk do të largohet nga rruga evropiane dhe se nuk do ta braktisë popullin serb në Kosovë.

Ai ka thënë se kurrë nuk do të shkelë Kushtetutën e Serbisë dhe ka bërë të ditur se vizita e tij e parë jashtë vendit si president i Serbisë do të jetë në Rusi.

Kurse Tadiqi në fjalimin e tij të fundit i ka lutur të gjitha partitë politike që të drejtohen kah Evropa, të paktën edhe një vit. Ai i luti politikanët që të mos kthehen në vitit e 90-ta.

Edhe në Kosovë, nën përkujdesjen e OSBE-së, janë mbajtur zgjedhjet presdinciale serbe.