Sonte debat në Gjenevë mbi përfaqësimin e myslimanëve në Zvicër

Sonte në Gjenevë do të debatohet rreth aktualitetit mysliman në Zvicër. Mysafirët e ftuar do të mundohen të identifikojnë myslimanët e Zvicrës dhe të gjithë ata që flasin në emër të tyre. Me këtë rast edhe çështja e përfaqësimit të tyre nuk do të mungojë së trajtuari.

Më konkretisht, Universiteti Popullor Shqiptar (UPSH) në bashkëpunim me Albinfo.ch do të mundohen të kuptojnë “se cili është komunikimi i instancave fetare që i përfaqësojnë myslimanët e Zvicrës, si dhe xhamitë shqiptare, boshnjake dhe turke?” Sepse, pohojnë organizatorët, “shumica dërmuese e popullatës myslimane në Zvicër është me prejardhje nga Ballkani, si dhe nga Turqia. Por, rrallëherë, ose thënë shumë rrallë dëgjohen zërat ose opinionet e subjekteve fetare si dhe asociacioneve që dalin nga këto komunitete”.

Për të debatuar janë ftuar David Gün, anëtar themelues i Qendrës kulturore turke në Moudon (VD) dhe Këshilltar komunal, Christophe Monnot, përgjegjës hulumtimesh, Observatori i Feve në Zvicër, Universiteti i Lozanës, Rejhan Neziri, kryetar i Unionit të Imamëve Shqiptarë në Zvicër nga Kreuzlingeni, Raphael Pomey, gazetar i “Le Matin”.

Për më shumë informacione :