175 vjet nga parku i Tivolit

Parku i dytë më i vjetër i argëtimit në botë, që ndodhet në Danimarkë, është zbukuruar të shtunën për të kremtuar kështu 175-vjetorin e themelimit të tij.

Kopshti Tivoli në Kopenhagë është duke kremtuar ditëlindjen e veçantë me një festival gjigant të dritave dimërore të destinuara për të ndriçuar mërzinë e dimrit.  Në mesin e pjesëve kryesore të festivalit do të jetë një iglo kolosale dhe një mal i akullt të zbukuruara me 200 mijë drita, përcjell albinfo.ch.

Dritat dhe ngjyrat janë pjesërisht të rëndësishme për qytetarët në Kopenhagë përgjatë muajve të gjatë dimërorë, ku drita fillon vetëm pas orës 8 në mëngjes dhe errësira bie para orës 5 pasdite.

Tivoli tradicionalisht ka përdorur ngjyrat e verdha për shfaqjet e veta. Këtë vit parku i argëtimit vendosi të përdorë dritat LED, për çka muratori dhe dizajneri i festivalit, Jesper Kongsaug, ka thënë se japin më shumë ngjyra, duke ofruar sharmë të veçantë.

Walt Disney, i cili e kishte hapur parkun Disneyland në vitin 1955, disa herë kishte vizituar Tivolin dhe thuhet se ishte fascinuar nga ajo çfarë kishte parë. Festivali në Tivoli do të jetë i hapur deri më 2 mars.