Parakalojnë Kosova dhe Shqipëria

Albin Tahiri, skitari që përfaqëson Kosovën ka parakaluar për herë të parë në historinë e shtetit të tij në ceremoninë hapëse të Lojërave Olimpike Dimërore, shkruan albinfo.ch.

Tahiri barti flamurin në mesin e zyrtarëve tjerë që janë pjesë e përfaqësueses së Kosovës në Korenë Jugore.

Më herët ka parakaluar edhe Shqipëria. Suela Mehilli ka mbajtur flamurin kuqezi në parakalimin e Shqipërisë në ceremoninë hapëse të Lojërave Olimpike.

Shqipëria merr pjesë me dy sportistë në këto Lojëra, Erjon Tolën dhe Suela Mehillin.

Zvicra është një nga shtetet me më shumti garues në këto Lojëra Olimpike, derisa presin shumë medalje.