Mediat e pavarura kubane nuk e duan ndihmën e Trumpit

Mediat kryesore të pavarura kubane thonë se nuk duan asgjë nga iniciativa e re e administrues Trump për të përkrahur më shumë media në ishull, ngase kjo praktikë mund të konsiderohet si ndërhyrje në politikën kubane dhe mund të duket se ata janë shërbëtorë të SHBA-së.

Departamenti amerikan i Shtetit muajin e shkuar njoftoi krijimin e një taskforce për internet në Kubë, e cila do të shqyrtonte mundësitë për zgjerimin e qasjes në internet dhe media të pavarura. E kjo taskforcë u mblodh për herë të parë të mërkurën, përcjell albinfo.ch.

Iniciativa është kritikuar në Kubë edhe nga qeveria, por edhe nga organizatat që amerikanët donin të ndihmonin. “Nuk flasim këtu për diçka që vetëm ngrit tensionin në situatën shtetërore politike, por është hap që mund të dëmtojë kredibilitetin në mediat tona të pavarura”, tha Elainde Diaz që në vitin 2015 themeloi gazetën “Periodismo de Barrio”, të përqendruar në mjedis.

E të rinjtë kubanezë sikurse Diaz kanë krijuar një mori portalesh kryesisht në Kubë, ku qasja në internet u zgjerua. Elaine Diaz shtoi se gazeta e saj do të refuzojë çfarëdo parash nga programi i Trumpit. Në Kubë njerëzit që marrin ndihmë nga amerikanët konsiderohen mercenarë.