Policia gjen një kilogram kokainë në “të pasmet false”

Policia në Portugali ka ndalur një burrë në aeroportin ndërkombëtar të Lisbonës nën akuzën se po bartte një kilogram kokainë në të pasmet false.

Sipas medieve lokale, braziliani kishte aterruar në Portugali pas një fluturimi prej Belemit.

Nuk dihet qartë se si policia e zbuloi rastin, transmeton Albinfo.ch.

Një person i dytë, i dyshuar si pranuesi i drogës, është arrestuar në stacionin e trenit. Të dyshuarit janë të moshës 32 dhe 40-vjeçare.

Droga e konfiskuar është e mjaftueshme sa për pesëmijë doza të kokainës.