Dick Marti sërish me akuza për “trafikim organesh”

Dick Marti: "serbë dhe shqiptarë janë mbajtur në burgjet të fshehta në veri të Shqipërisë, që ishin nën kontrollin e UÇK-së"

Raportuesi i Këshillit të Evropës, Dick Marti, ka akuzuar sërish liderët e Ushtrisë Çlirimtare të Kosovës se në vitin 1999 kanë organizuar rrëmbimin e njerëzve të cilëve, sipas tij, në Shqipëri “u janë marrë organet për trafikim”, raporton gazeta Gardian e Londrës.

Dick Marti, sipas REL, në projekt rezolutën për trafikim me organet njerëzore, vë në pah se, sipas tij, ekzistojnë indikacione se serbët dhe shqiptarët janë mbajtur në burgjet të fshehta në veri të Shqipërisë, që ishin nën kontrollin e UÇK-së.

“Kryeministri i Kosovës është përgjegjës për kontrabandën e armëve, drogës dhe organeve njerëzore”, thuhet veç tjerash në këtë raport. Raporti i Dick Martit do të shqyrtohet të enjten në takimin e Këshillit të Evropës.