E-Diaspora
Konferencë me temën “Aktivizmi feminist në Kosovë”
Të premten e ardhshme, më 2 mars 2018, në organizim të Shoqatës së Studentëve Shqiptarë të Gjenevës mbahet tryeza e debatit me temën "Aktivizmi Feminist në Kosovë". Mysafire dhe pjesëmarrëse në debat do të jenë aktivistet nga Kosova, Nazlie Bala dhe Elona Kastrati
Në afrim të Ditës Ndërkombëtare të drejtave të grave, Shoqata Studentore Shqiptare e Gjenevës ju ofron një konferencë mbi aktivizmin feminist në Kosovë. Dy të ftuara do të na nderojnë mbi këtë çështje :
Nazlie Bala ka qenë vullnetare në Këshillin e të Drejtave të Njeriut gjatë viteve 1990. Pas luftës, ajo ishte një nga personat më aktive në kërkimin e drejtësisë për 20’000 gra të dhunuara gjatë luftës dhe për njohjen e tyre në statusin të viktimës. Sot, vetëm katër vetë janë gjykuar për përdhunim të kryer gjatë luftës në Kosovë dhe njohja e statusit të grave të përdhunuara është ende larg arritjes. Nazlie Bala është aktiviste politike dhe gjithashtu konsulente në Strehimoren e Grave “Lira” në Gjilan, ku strehohen gratë viktima të dhunës në familje.
Elona Kastrati identifikon veten si një aktiviste feministe ndërsektoriale. Ajo jeton në Gjermani ku ajo ishte nxitëse e aksionit “Pads againt sexism”. Ka punuar për një vit në teren në OJQ-en Students helping life Kosova (SHL Kosova) për të ndihmuar të rinjtë në Kosovë. Ajo u ftua gjithashtu nga TEDx Prishtina ku foli për gratë, në një prezantim të titulluar “Nuk e kam emrin zemër”.
Kjo ngjarje është një mundësi për shoqatën tonë për t’i adresuar këto çështje brenda bashkësisë shqiptare. Marrëdhëniet gjinore janë me të vërtetë në qendër të shqetësimeve aktuale. Betejat feministe në Kosovë, megjithatë, nuk transmetohen ne menyrë të mjaftueshëm, ose fare, nga kanalet e ndryshme të medias. Shqiptarët në Zvicër nuk janë gjithmonë të informuar për betejat në teren nga shoqata dhe OJQ-et të ndryshme. Duket e rëndësishme për ne, si një shoqatë e studentëve shqiptarë, të diskutojmë dhe veçanërisht t’a bëjmë këtë temë të dukshme në mënyrë që të mos jetë objekt i paragjykimeve dhe instrumentalizimit politik.
Është gjithashtu e rëndësishme për ne që të informojmë popullin zviceranë për luftën për të drejtat e grave në Kosovë. Kjo është arsyeja pse kjo konferencë do të përkthehet nga shqipja në frëngjisht. Gratë shqiptare në Kosovë nuk vuajnë nga të njëjtat forma dominimi si gratë shqiptare në Zvicër apo gratë zvicerane, prandaj është e rëndësishme që në këte konferencë t’i shprehim këto lufta dhe t’i artikulojmë në mënyrë që kjo të mund të na çojë në një marrëveshje të përbashkët në një nivel më global, përkatësisht të drejtave të grave.
ORA : 19:00
SALLA : MR280, Bvd du Pont d’Arve 42. 1205 Genève.
Debati është publik dhe hyrja është e lirë për të gjithë ndërsa afati i fundit për regjistrim ështüë më 25 shkurt!
Info rreth ngjarjes
- Data e fillimit02 Mars 2018
- Ora19:00
- LokacioniGjenevë
- Data e përfundimit24 Shkurt 2018 - 13:00
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla