Vazhdojnë problemet për Lisa Marie Presley

Paditë gjyqësore, të paraqitura këtë javë në Gjykatën e Lartë në Los Anxhelos, pasojnë njoftimin se Lisa Marie Presley kishte 16 milionë dollarë borxhe

Lisa Marie Presley, e bija e vetme e Elvis Presley, thotë se ajo po përballet me dëme financiare. Ajo ka ngritur një padi ndaj ish-menaxherit të saj për neglizhencë dhe kërkon dëmshpërblim prej 100 milionë dollarësh.  Por edhe ish-menaxheri i saj ka ngritur padinë e tij, duke akuzuar Presleyn për shpërdorimin e trashëgimisë së babait të saj të famshëm.

Paditë gjyqësore, të paraqitura këtë javë në Gjykatën e Lartë në Los Anxhelos, pasojnë njoftimin se Lisa Marie Presley kishte 16 milionë dollarë borxhe.

Presley ishte vetëm 9 vjeç kur Elvis vdiq në  vitin 1977, duke e lënë atë trashëgimtaren e tij të vetme.  Punët e saj kanë qenë të menaxhuara nga Barry Siegel që nga viti 1993.