I ftohti siberian me 23 viktima

Të paktën 23 persona kanë vdekur si pasojë e të ftohtit prej së premtes

Keystone EPA/Johan Nilsson

I ftohti siberian ka arritur në Evropë, ku jo vetëm ka pasur temperatura të ulëta dhe reshje të dëborës, por edhe viktima.

Kjo valë e të ftohti është cilësuar nga mediat britanike si “Bisha e Lindjes”, “Ariu i Siberisë” në Holandë, “Topi i dëborës” në Suedi apo “Moskë-Paris” në Francë, është një kërcënim për shëndetin e më të brishtëve, të pastrehëve, apo në veçanti personave të moshuar.

Temperaturat priten të jenë nën zero gjatë mbrëmjes, duke zbritur deri në -24 gradë Celsius në shtete të ndryshme, si rasti i Gjermanisë, -29 gradë Celsius në Estoni, -18 gradë Celsius në Republikën Çeke.

Të paktën 23 persona kanë vdekur si pasojë e të ftohtit prej së premtes, nëntë në Poloni, ku pesë vetëm gjatë mbrëmjes së të hënës deri të martën, tre persona të pastrehë në Francë dhe në Republikën Çeke, pesë në Lituani, dy në Rumani, ku një grua rreth 83-vjeçare në Itali. Në Estoni i ftohti ka shënuar shtatë të vdekur gjatë gjithë muajit shkurt, përcjell albinfo.ch.

Në Suedi, temperatura -39,6 gradë Celsius u regjistrua në Lapland dhe Austria regjistroi temperaturën më të ulët -25,4 gradë Celsius në Flattnitz (jug), një shifër rekord për shkurtin.