Ruçi në Gjenevë: Shqipëria gjithnjë e më afër integrimit në BE

Parlamenti dhe qeveria shqiptare përmes ndërmarrjes së reformave në administratën publike, shëndetësi dhe ligjin për mbrojtjen e pakicave kombëtare e sjellin Shqipërinë gjithnjë e më afër integrimit në BE.

Kështu deklaroi kryetari i Kuvendit të Shqipërisë, Gramoz Ruçi, në forumin Rajonal për Zhvillimin e Qëndrueshëm në Gjenevë, ku ishte i pranishëm edhe kryetari i Grupit Parlamentar të Partisë Socialiste, Taulant Balla, shkruajnë mediat shqiptare.

Ruçi, theksoi se “Shqipëria do të organizojë një aktivitet paralel mbi kontributin e vendeve të rajonit tonë për zbatimin e Objektivave të Zhvillimit të Qëndrueshëm”, përcjell albinfo.ch.

“Shqipëria vlerëson nismat e Kombeve të Bashkuara, që do të ndihmojnë shoqërinë shqiptare, në mënyrë të veçantë politkëbërsit shqiptarë për të vendosur agjendën e punës, mandatin politik ose agjendën tonë të përbashkët të integrimit në Bashkimin Evropian, në kontestin global të zhvillimit të qëndrueshëm”, theksoi Ruçi, përcjell albinfo.ch.

Kryepralamentari Ruçi u shpreh se “Shqipëria dhe Parlamenti të angazhuar janë të angazhuar plotësisht në zbatimin e reformës në drejtësi për rritjen e transparencës përgjegjshmërinë, pavarësinë dhe rritjen e aksesit të publikut te drejtësia”.

Ruçi tha se “Kuvendi ka miratuar një rezolutë për bashkëpunimin me shoqërinë civile. Parlamenti është një model i mirë i bashkëpunimit. Kjo përvojë duhet të përdoret edhe në lidhje me arritjen e objektivave të zhvillimit të qëndrueshëm”, shtoi ndër të tjera Ruçi.