Shkurt.ch
U hap panairi i 88-të i automobilëve: 180 ekspozues, 110 premiera botërore
Në hapjen zyrtare, ministri Parmelin duke theksuar rëndësinë e automobilëve ka thënë: "duhet pasur parasysh se jo të gjithë banorët e Zvicrës banojnë në qytete ose në afërsi të ndonjë stacioni hekurudhor"
Ministri federal Guy Parmelin, në resorin e të cilit është mbrojtja dhe sporti (VBS) ka bërë sot hapjen solemne të Panairit të automobilëve (Autosalon) në Gjenevë, shkruan sda.ch. Në këtë panair, prodhimet e tyre më të reja i ekspozojnë 180 prodhues nga e gjithë bota. Kjo festë e madhe e automobilizmit që zgjat 11 ditë, pritet të vizitohet nga 700 mijë veta, trasnmeton albinfo.ch. Parmelin në fjalën e tij ka apeluar për një “mobilitet që i përshtatet nevojave të secilit”.
Përpikmëria, ekologjia dhe siguria, këto janë tri parimet mbi të cilat, sipas tij, mbështetet mobiliteti modern. Duke marrë parasysh këto kritere, shpeshherë transportuesit publikë dhe në veçanti hekurudha, shpeshherë është privilegjuar, ka thënë ministri. Por, ka shtuar ai, duhet pasur parasysh se jo të gjithë banorët e Zvicrës banojnë në qytete ose në afërsi të ndonjë stacioni hekurudhor. Së këndejmi, jo të gjithë punojnë ose bëjnë furnizimet në vendin ku banojnë, përcjell albinfo.ch. Për këtë arsye do të ishte e gabuar që t`i vejmë “në garë” rivaliteti mjetet e ndryshme të transportit.
Parmelin kishte shkuar në Gjenevë me tren dhe pastaj këmbë deri në qendrën e panaireve.
Pas fjalës së tij të hapjes ai me përfaqësuesit e medieve ka bërë vizitën tradicionale të një numri ekspozuesish në panair.
Panairi i 88-të i automobilëve i nisur sot, mbyllet më 18 mars. 180 ekspozuesit do të prezantojnë 110 premiera evropiane dhe botërore.
Përveç rreth 10 mijë përfaqësuesve të medieve, organizatorët presin rreth 700 mijë vizitorë. Vend me rëndësi në këtë panair zënë automobilët që kursejnë energji dhe ata që vihen në lëvizje me burime alternative të energjisë.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale