Roche, 18 milionë dollarë dëmshpërblim për Ilaçin Accutane

Një gjykatë amerikane ka dënuar koncernin zviceran të industrisë farmaceutike Roche me një dëmshpërblim prej 18 milionë dollarësh. Ky dëmshpërblim kërkohet për të zhdëmtuar dy të sëmurë të cilët kishin paditur firmën zvicerane lidhur me pasojat anësore të preparatit për shërimin e lëkurës Accutane.

Të dy paditësit kishin përdorur ilaçin e përmendur për shërimin e akneve por kjo u kishte shkaktuar ndërkohë një sëmundje të rëndë kronike zorrësh.

Gjykata e sheh si të dëshmuar se Roche ua ka fshehur mjekëve të dhënat lidhur me rrezikun për të marrë sëmundje tjera  nga përdorimi i Accutane. 

Aktualisht në SHBA janë duke u zhvilluar mijëra procedura nga ish përdoruesit e preparatit Accutane të prodhuesit zviceran Roche.