Dënime të rënda për katër shqiptarë në Francë

Dënimet u shqiptuan për shkak të trafikimit të lëndëve narkotike.

Gjatë dritës së premte, katër shqiptarë u dënuan nga Gjykata penale franceze në Saint-Etienne me burg, me gjoba të larta dhe ndalesë të përhershme për hyrje në territorin francez.

Dënimet u shqiptuan për shkak të trafikimit të lëndëve narkotike. Xhefar Gjana, 21-vjeçar, i cili llogaritej si “bosi” i grupit, është dënuar me tetë vite burg dhe 300 mijë euro gjobë. Ishte ky dënim të cilin e ka kërkuar edhe Prokuroria, shkruan “Le Progres”, përcjell albinfo.ch.

I vëllai, Eltoni, 25-vjeçar, është dënuar me gjashtë vite burg dhe gjobë prej 100 mijë eurosh. Gjashtë vite burg dhe 50 mijë euro gjobë iu shqiptuan edhe “togerit” të tyre, Fatjon Llani, 22-vjeçar.

Më në fund, Mariglen Sokoli, 22-vjeçar u dënua më tre vite burg e 10 mijë euro gjobë, pasi ishte pak më i distancuar nga grupi.

Përgjatë dy viteve, deri në arrestimin e tyre, në vjeshtë të vitit 2016, ata kanë trafikuar heroinë në një vlerë të përgjithshme prej 1.2 milionë euro në Saint-Etienne dhe rrethinë.