Vetëm 5 për qind e aeroporteve ndërkombëtare kanë emra femërorë

Pas vdekjes së kancelarit gjerman Helmut Schmidt ishte afërmendsh: aeroporti i vendlindjes së tij do të mbante emrin e politikanit të majtë gjerman. Në nëntor 2016, një vit pas vdekjes së tij ishte zyrtare: Aeroporti i Hamburgut mori emrin e Helmut Schmidt

Emri i aeroporteve është sinonim i identitetit të një shteti, por interesante se shumica e tyre kanë emra të personaliteteve burra: Aeroporti i Mynihut ka emrin e politikanit Franz Josef Strauß, i Stuttgartit emrin e Manfred Rommel, ndërsa kryeqyteti gjerman emrin e ëilly Brandt, shkruan bento.de.

Sa aeroporte të mëdhenj kanë emra femërorë?

Në botë ka 267 aeroporte ndërkombëtare që janë emërtuar me emrin e një personaliteti, prej të cilëve vetëm 11 sosh kanë emrin e ndonjë gruaje.

Më poshtë është lista:

Shqipëri: Aeroporti Ndërkombëtar i Tiranës quhet Nënë Tereza, për nder të humanistes Gonxhe Bojaxhiu.
Turqi: Sabiha Gökçen në Stamboll, sipas pilotes së parë turke.
Jordan: “Queen Alia International Airport” – Amman, e emërtuar sipas mbretëreshës jordaneze.
Spanjë: Aeropuerto de Tenerife Sur Reina Sofía, sipas mbretëreshës spanjolle.
Nigeria: Margaret Ekpo International Airport, Calabar, sipas politikanes dhe aktivistes për të drejtat e grave.
Pakistan: Benazir Bhutto International Airport, Islamabad, sipas ish kryeministres palestineze.
Indi: Indira Gandhi International Airport, Nju Delhi, sipas ish kryeministres indiane.
Indonezi: Cut Nyak Dhien Airport, Suka Makmue, sipas Heroinës Kombëtare dhe luftëtares indoneziane.
Brazil: Ibaiti Airport, sipas politikanes Moisés Lupion.
Brazil: Senadora Eunice Michiles Airport, Sao Paulo de Olivença, sipas politikanes.
Republika Domenikane: María Montez International Airport, Barahona, e emërtuar sipas aktores.