Avdijaj po shkëlqen në Holandë

Me këtë gol, Avdijaj arrin në kuotën e katër golave për skuadrën e tij që nga huazimi në janar nga skuadra e madhe gjermane, Schalke

Sulmuesi i Kosovës, Donis Avdijaj po vazhdon me formë të jashtëzakonshme në kampionatin holandez, tek skuadra Roda, shkruan albinfo.ch.

Roda ka fituar me rezultat 3:2 në ndeshjen e tyre në shtëpi ndaj Zwolles, e vlefshme për javën e 30-të të Eredivisie.

Edhe në këtë takim sulmuesi i Kosovës arriti të shënojë gol. Ai realizoi golin hapës të ndeshjes dhe epërsisë 1:0 për Rodan.

Goli i Avdijajt ishte i mrekullueshëm pasi erdhi nga distanca në minutën e tretë të ndeshjes pas asistimit të mirë të Simon Gustafson.

Ky gol i shënuar nga sulmuesi i Kosovës vlen shumë për skuadrën e tij pasi pas kësaj fitore i fut seriozisht në garë për një vend që i shpëton nga rënia nga kategoria.

Me këtë gol, Avdijaj arrin në kuotën e katër golave për skuadrën e tij që nga huazimi në janar nga skuadra e madhe gjermane, Schalke.

Tani, skuadra e tij, Roda gjendet në pozitën e 16-të me 26 pikë apo vetëm tri më pak se pozita që e shpëton nga rënie prej kategorisë.

http://www.dailymotion.com/video/x6hgxe8