Futboll
Ekipi i Përparim Rexhepit vetëm barazim ndaj ekipit të Arben Gjidodës
Ndaj ekipit Blustavia Solothurn të trajnerit shqiptar Arben Gjidoda, FC Grenchen 15 ka siguruar vetëm një barazim me rezultat 2:2, edhe përkundër faktit se ekipi i trajnerit tjetër shqiptar, Përparim Rexhepi, në pjesën e dytë kishte gjasa për të siguruar një fitore të rehatshme
Klubi i futbollit FC Grenchen 15 e ka nisur me barazim pjesën e dytë të kampionatit në Ligën e dytë ndër-rajonale. Ndaj ekipit Blustavia Solothurn të trajnerit shqiptar Arben Gjidoda, FC Grenchen 15 ka siguruar vetëm një barazim me rezultat 2:2, edhe përkundër faktit se ekipi i trajnerit tjetër shqiptar, Përparim Rexhepi, në pjesën e dytë kishte gjasa për të siguruar një fitore të rehatshme, transmeton albinfo.ch.
Në këtë mënyrë, duke i falënderuar një goli të shënuar në pjesën shtesë të lojës, mysafirët arritën ta marrin një pikë nga Brühli.
Në pjesën e parë të ndeshjes, 270 shikuesit nuk patën mundësi të shohin ndonjë futboll cilësor. FC Grenchen 15 avancoi që në minutën 9, përmes golit të shënuar nga Mergim Sadriji, pas një keqkuptimi në mbrojtjen e mysafirëve, shkruan “Solothurner Zeitung”, përcjell Albinfo.ch.
Pas kësaj, tek mikpritësit nuk ndodhi ndonjë befasi, por anasjelltas: Pak para pushimit, përmes penalltisë së realizuar nga Ramon Spirig, rezultati u barazua, ndërsa patën edhe fat që Franco Torre nuk arriti të shënojë nga një pozitë e përshtatshme.
Futbollistët e FC Grenchen 15 startuan në mënyrë furioze në pjesën e dytë. Pas një ndërhyrje të palejuar të Riad Agushit, përmes penalltisë realizoi Samuel Zayas, për 2:1 në favor të vendësve. Pas kësaj, ekipi dominoi tërësisht në fushë, mirëpo duke harruar të shënojë gol.
Natyrisht se kjo lojë iu revanshua, pasi në minutat shtesë të ndeshjes, Yves Galley shënoi golin e barazimit për rezultatin përfundimtar 2:2.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse