Lenjani në formacionin e javës në Zvicër

Nga e përditshmja zvicerane 'Blick'

Mbrojtësi i majtë i Kombëtares shqiptare, Ermir Lenjani, po vazhdon të shkëlqejë në Superligën zvicerane, shkruan albinfo.ch.

Futbollisti i Sionit ka treguar një paraqitje shumë të mirë ndaj Lausannes në udhëtim, ku skuadra e tij fitoi 2:0. Njërin nga golat erdhi pas asistimit të futbollistit të Kombëtares shqiptare.

Kështu ai hyri në formacionin e javës nga e përditshmja zvicerane ‘Blick’ dhe kjo nuk është hera e parë në këtë edicion.

Në 11-shen më të mirë janë: Yanick Brecher (Zurich), Kevin Mbabu (Young Boys), Andre Neitzke (Sioni), Ermir Lenjani (Sioni), Mohamed Elyounoussi (Baseli), Miralem Sulejmani (Young Boys), Gregory Karlen (Sioni), Carlitos Hatte (Sioni), Roger Assale (Young Boys), Roman Buess (St. Gallen) dhe Dejan Sorgiq (Thun).