Bota
Gjermania lejohet të ekstradojë qytetarë të BE
Sipas së drejtës së Bashkimit Evropian, një shtet i BE lejohet t'i trajtojë shtetasit e vet ndryshe nga shtetasit e shteteve të tjera anëtare të BE, tha Gjykata
Një italian u arrestua në Gjermani, në një ndalim tranzit në fluturimin e tij nga Nigeria në Itali. Mbi bazën e një marrëveshjeje përkatëse ai iu dorëzua SHBA. Atje e kërkonin për shkelje ligjore të së drejtës së karteleve dhe më vonë e dënuan me gjobë dhe me dy vjet heqje lirie.
Kushtetuta gjermane përmban një ndalim ekstradimi për qytetarë gjermanë. Ata nuk lejohet të ekstradohen në shtete të treta jashtë Bashkimit Evropian, raporton “DW”.
Prandaj italiani kërkoi një dëmshpërblim nga Gjermania. Ai argumenton se ndalimi i ekstradimit në ligjin themelor gjerman duhet të vlejë edhe për qytetarë të BE, përndryshe do të shkelej klauzola e ndalimit të diskriminimit në BE, përcjell albinfo.ch.
Gjykata Evropiane e Drejtësisë vendosi ndryshe. Sipas së drejtës së Bashkimit Evropian, një shtet i BE lejohet t’i trajtojë shtetasit e vet ndryshe nga shtetasit e shteteve të tjera anëtare të BE, tha Gjykata. Kjo vërtet që e kufizon lirinë e lëvizjes brenda BE, por është legjitime, për të ndjekur veprat penale dhe për t’i ndëshkuar ato.
Por Gjykata Evropiane e Drejtësisë bëri të qartë se shteti i origjinës duhet të ketë me përparësi mundësinë që ta “kërkojë për vete” me anë të një Fletëarrestimi Evropian shtetasin e vet. Në rastin e italianit, drejtësinë italiane vërtet që e informuan, por Italia nuk nxori urdhër arresti. Ekstradimi në SHBA në këtë mënyrë qe në përputhje me ligjin.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Migros do të sjell hamburgerë të rinj, zviceranët skepitkë Migros do të shesë hamburgerë të prodhuar nga mbeturinat e birrës...
-
Rreth 150 mëlçi transplantohen në të gjithë Zvicrën çdo vit
-
Dështon nisma që donte të ndryshonte Kushtetutën
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje