Bota
Pas shtatë vitesh, arrestohet maqedonasi që kreu plaçkitje në Austri
Më tej, ai akuzohet se ka kryer edhe plaçkitje në Vjenë, Oberösterreich dhe në Gjermani. Maqedonasi 42-vjeçar aktualisht gjendet në paraburgim në Salzburg
Shtatë vite pasi ka kryer një plaçkitje ndaj një austriaku 45-vjeçar në Schwarzach (Pongau), policia austriake ka zbuluar një të dyshuar. Nga mesi i muajit mars i këtij viti, gjurmët e ADN-së kanë zbuluar një shtetas maqedonas. Në muajin shkurt të këtij viti, ai kishte hyrë në Austri, ku është kontrolluar dhe arrestuar.
Sipas zëdhënëses së policisë, përmes gjurmëve të ADN-së është mundësuar që të zbulohet plaçkitja e kryer në Linz, në vitin 2016, të cilën dyshohet se e ka kryer shtetasi nga Maqedonia. Një hetim i mëtutjeshëm ka dëshmuar se ai është përgjegjës edhe për një plaçkitje në Salzburg.
Më tej, ai akuzohet se ka kryer edhe plaçkitje në Vjenë, Oberösterreich dhe në Gjermani. Maqedonasi 42-vjeçar aktualisht gjendet në paraburgim në Salzburg.
Gjatë plaçkitjes në Pongau, austriaku ka qenë duke dalë nga banesa rreth orës 05:00, më 15 mars 2011. Sulmuesi e ka goditur me grusht dhe shqelma, duke i shkaktuar lëndime trupore, ndërsa më pas e ka spërkatur edhe me gaz lotsjellës, shkruan “OE24”, përcjell Albinfo.ch.
Nga xhepi i viktimës ai arriti të marrë një portofol me 140 euro, kartela bankare, patentën e shoferit dhe një e-card. Austriaku pësoi lëndime të rënda dhe është dashur të transportohet në spital. Kërkimi i sulmuesit ishte realizuar pa sukses, por në vendngjarje i janë marrë gjurmët.
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se më 12 maj do të jetë...
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm për piano nga Kosti Deti
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen