Reagon VV-ja, thotë se qeveritë po e favorizojnë Serbinë

"70 janë produkte serbe dhe vetëm 1 nga Shqipëria. Të gjitha qeveritë e deritashme kanë qenë të përcaktuara për një favorizim të skajshëm të produkteve të Serbisë"

Për panairin që u hap sot në Prishtinë ka reaguar Lëvizja Vetëvendosje. Kjo parti ka shprehur shqetësim për numrin e madh të produkteve të Serbisë në panairin e sotëm.

Shefi i Grupit Parlamentar të Vetëvendosjes, Glauk Konjufca, në një konferencë për media ka thënë se është shqetësues favorizimi i produkteve serbe në këtë panair.

“70 janë produkte serbe dhe vetëm 1 nga Shqipëria. Të gjitha qeveritë e deritashme kanë qenë të përcaktuara për një favorizim të skajshëm të produkteve të Serbisë. Kjo i bie që edhe Qeveria është bashkëpjesëmarrëse në këtë shkatërrim të shtetit”, ka theksuar ai.