Vazhdon mungesa e insulinës në spitalet e Kosovës

Edhe në këtë takim të organizuar nga Shoqata e Pacientëve të Kosovës, zëvendësministri i Shëndetësisë tha se nga sot problemi me insulinën do të zgjidhet, por kjo gjë nuk ka ndodhur ende.

Zëvendësministri i Shëndetësisë, Granit Abdullahu, ka akuzuar endokrinologët se mungesat e mëdha të insulinës dhe problemet me kontrata të këtij ilaçi nisën kur disa mjekë në vend filluan t’i referojnë pacientët nga një lloj insuline te një tjetër.

Mirëpo, ata të cilët trajtojnë pacientët e prekur nga diabeti akuzuan Ministrinë e Shëndetësisë se futi në treg një ilaç të paregjistruar nga Europian Medicines Agency, i cili është i ndaluar në tregun evropian.  Por, për të gjitha këto ankesa, zyrtarët e Inspektoratit Farmaceutik thonë se asnjëherë nuk morën ankesë me shkrim nga endokrinologët.

Edhe në këtë takim të organizuar nga Shoqata e Pacientëve të Kosovës, zëvendësministri i Shëndetësisë tha se nga sot problemi me insulinën do të zgjidhet, por kjo gjë nuk ka ndodhur ende.