Gjermanët, të zhgënjyer!

Optimizmi i eksportuesve gjermanë ka rënë këtë muaj, sipas një studimi nga Instituti Ekonomik i Mynihut  “Ifo”, shkruan albinfo.ch.

Indeksi i pritjeve të eksportit në sektorin e prodhimit ra në 15.6 pikë në muajin prill, që është në nivelin e pikave të bilancit të 15 marsit, sipas deklaratës së institutit “Ifo”.

Sipas supozimeve, kjo do të thotë që eksportet nga Gjermania po kthehen gradualisht në nivele normale.

“Duke ndjekur prirjen e fortë pozitive muajin e kaluar, pritjet e eksportit në industrinë e tekstilit dhe veshjeve janë përkeqësuar ndjeshëm. Kompanitë e industrisë metalike gjithashtu presin rënie të eksportit, duke reflektuar konfliktet aktuale në lidhje me tarifat e importit”, thuhet në deklaratë.

Në të kundërt, shumica e prodhuesve të pajisjeve elektrike presin përparim në bashkëpunimin e tyre me vendet e huaja.

Indeksi i Institutit «Ifo» bazohet në raportet mujore të kryera nga rreth 2,300 kompani prodhuese. Kompanitë duhet të tregojnë pritjet e eksportit për 3 muajt e ardhshëm dhe mund t’i tregojnë ato si rritje, të pandryshuara ose në rënie.