Shqipëria
DW thotë se Ramës në Berlin iu kërkua gjykimi i Tahirit
Kancelarja Angela Merkel pas takimit nuk dha asnjë sinjal për të orientuar dëgjuesin se a do të votojë Gjermania pro hapjes së negociatave, apo do ta shtyjë këtë vendim për një moment më të përshtatshëm
Vizita e parë e kryeministrit shqiptar, Edi Rama menjëherë pas rekomandimit të Komisionit të BE-së për fillimin e bisedimeve të anëtarësimit në Berlin nuk ka shkuar ashtu më së miri.
Kancelarja Angela Merkel pas takimit nuk dha asnjë sinjal për të orientuar dëgjuesin se a do të votojë Gjermania pro hapjes së negociatave, apo do ta shtyjë këtë vendim për një moment më të përshtatshëm.
Ndërsa veç lëvdatave për arritjet në procesin e Vettingut, ministri gjerman për Evropën, Michael Roth nuk harroi t’i kujtonte mikut të tij socialist, se reforma gjyqësore pa një proces kundër ish-ministrit të brendshëm, Saimir Tahiri, nuk mund të bëhet.
Siç raporton DW, ai ka thënë se ndaj tij duhet filluar procesi gjyqësor për të dëshmuar kështu se pavarësia e gjyqësorit me të vërtetë funksionon.
Paloka: Pa Tahirin para drejtësisë, Gjermania s’hap negociatat
Pavarësisht optimizmit të kryeministrit të Shqipërisë, Edi Rama për mbështetjen e Gjermanisë për hapjen e negociatave, Partia Demokratike nuk mendon kështu.
Deputeti i kësaj partie Edi Paloka ka thënë se ka vetëm një mënyrë që Gjermania të japë dritën jeshile për negociatat, përcjell albinfo.ch.
“Pa Saimir Tahirin para drejtësisë, BE do të jetë një derë e mbyllur për Shqipërinë. Nuk ka vend për optimizëm për sa kohë Edi Rama nuk ka përmbushur detyrat, të luftojë krimin e organizuar dhe korrupsionin, të shkëpusë lidhjet e krimit me politikën. Këto janë parakushtet e vendosura nga Berlini”, theksoi Paloka.
Rama e pranon se për “Tahirin” u fol në Bundestag
Edi Rama me t’u kthyer nga vizita e tij në Gjermani në një konferencë për media në aeroportin e Rinasit ka thënë se gjatë bisedimeve me zyrtarët e lartë të shtetit gjerman është diskutuar edhe për çështjen e ish-ministrit Saimir Tahiri.
“Kemi folur në detaje për të gjitha aspektet e raportit të progresit, për ecurinë në pesë prioritete, për ecurinë e reformës në drejtësi dhe patjetër për progresin e bërë me Vettingun, që ka një vëmendje të veçantë nga të gjithë, edhe nga kancelarja. Është bërë një pyetje në Komisionin e Çështjeve Evropiane për këtë çështje dhe pozicionin tonë në këtë proces”, ka deklaruar Rama.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore