Lifestyle

Të varur nga hitet e vjetra, këngëtarët e rinj po i “dhezin” këngët e tyre

Era në vitin 2014 ka lansuar këngën ‘E dehun’ që është versioni i ri i këngës me titull të njëjtë të këngëtares Nexhmie Pagarusha

E diel, 29 Prill 2018 - 18:00 albinfo.ch

Shumë emra tashmë të njohur kanë kontribuar që kjo muzikë të ketë gjithmonë vlera dhe të mos ‘vdes’ kurrë, shkruan lajmi.net

E se disa nga këngët ka qenë dhe do të mbeten hite, përpos rezistimit në kohë, e ka dëshmuar edhe transformimi i tyre në versionin modern. Një nga të parat që e ka bërë këtë gjë është Era Istrefi, përcjell albinfo.ch.

Era në vitin 2014 ka lansuar këngën ‘E dehun’ që është versioni i ri i këngës me titull të njëjtë të këngëtares Nexhmie Pagarusha. Kënga e Erës u pëlqye shumë dhe ishte një frymë e re në tregun muzikor, duke i hapur rrugë edhe shumë emrave tjerë të bënin një gjë të tillë.

Pas Erës, pas dy vitesh, reperi MC.Kresha lansoi këngën e tij Era. Edhe ai si këngëtarja Istrefi, kishte përdorë pjesë nga kënga e njohur shqipe e titulluar ‘Era’ e që këndohej nga ‘Gjurmët’. Edhe projekti i Kreshës u pëlqye shumë, duke mbledhur shumë klikime në kanalin Youtube, shkruan tutje lajmi.net.

E transformimi i këngëve të vjetra u bë më së shumti këtë vit, përkatësisht këtë verë. Në qershor u publikua kënga ‘Simpatia’ nga Lumi B dhe Dhurata Dora. Dyshja kanë ripërtrirë hitin e Edona Llalloshit dhe Memlit po me të njëjtin titull. Si kënga origjinale, edhe ky version u prit mjaft mirë.

https://www.youtube.com/watch?v=lkRzSjDEI7E

Në të njëjtin muaj, edhe reperi Capital T bëri një gjë të tillë. Ai më 24 qershor në tregun muzikor nxori këngën ‘Hatixhe’ një version shumë interesant i kësaj kënge i kënduar nga shumë emra e që daton që moti në reportuarin e muzikës shqipe. ‘Hatixhe’ e Capital-it vazhdon të jetë akoma shumë e dëgjuar, shkruan lajmi.net.

Me një version të këtij lloji pati ardhur edhe reperi Gent Fatali. Ai ditë më parë ka publikuar këngën ‘Rakia’ e cila është e bazuar te kënga ‘Jam dehë me raki’ e këngëtarit Shkëlzen Jetishi. Edhe Genti ka nxjerrë diçka shumë interesante e që po pëlqehet.