Mësuesve në Shqipëri do ju ndalohet telefoni gjatë ligjërimit

Ministrja e Arsimit e Shqipërisë, Lindita Nikolla ka deklaruar se mësuesve do ju ndalohet hyrja në orë të mësimit me telefon.

Gjatë takimit me qytetarë të Kavajës, NIkolla ka thënë se mësuesit në këtë vend ende nuk e kanë mbërritur nivelin për të cilin duan të gjithë, përcjell albinfo.ch.

“Unë jam kokulur në detyrën time si ministre e Arsimit, Sportit dhe Rinisë  që ende nuk kemi shkuar në ato standarde që fëmijët tuaj meritojnë për atë që është modeli, shembulli që është mësuesi”, ka thënë Nikolla.

Ajo po ashtu ka njoftuar se që nga viti i ardhshëm shkollor do të rikthehet inspektimi në çdo shkollë të Shqipërisë.