Napoli fiton, Xhemaili shënon

Në javën e dytë të kampionatit italian, Napoli ka fituar me rezultat 2:1 kundër Fiorentinës. Fitores i ka ndihmuar edhe lojtari shqiptar, Blerim Xhemaili, i cili ka shënuar golin e dytë, atë të fitores së Napolit. Me këtë gol dhe me angazhimin e tij në përgjithësi, Xhemaili ka treguar se është në formë mjaft të mirë pak ditë para ndeshjes së kombëtares zvicerane kundër Sllovenisë.

Në po këtë ndeshje, futbollisti tjetër shqiptaro-zviceran që luan për Napolin, Valon Behrami, ka zëvendësuar lojtarin e tretë nga Zvicra, Gökhan Inler pak pas fillimit të pjesës së dytë të lojës.