Turistët e huaj pritet të vërshojnë Vlorën

Qyteti i Vlorës ka rreth 2600 shtretër që do të ofrojë për akomodimin e pushuesve

Vlora edhe zyrtarisht ka hapur sezonin turistik, derisa operatorët turistikë po bëjnë përgatitjet e fundit për të pritur turistët.

Kreu i operatorëve turistikë të Vlorës, Vasil Bedini është shprehur se është duke iu dhënë dora e fundit përgatitjeve për të pritur turistët e huaj dhe vendas.

Qyteti i Vlorës ka rreth 2600 shtretër që do të ofrojë për akomodimin e pushuesve. Po ashtu Bedini shprehet për TCH, se ky vit është më i mbarë për Vlorës, pasi ka një bum ndërtimesh në favor të pushuesve, përcjell albinfo.ch.

Përveçse bukurisë natyrore të plazheve, Vlora ofron për pushuesit edhe zonat arkeologjike, që janë një tjetër atraksion për pushuesit. Ndërkohë që gastronomia është kryesorja për pushuesit, pasi ata që kanë qenë vitin e kaluar kanë ngelur të kënaqur nga ushqimi që ata kanë shijuar, ku çdo gjë është bio.

Po ashtu në një nga hotelet e Vlorës që operon përgjatë shëtitores, prenotimet kanë qenë të shumta, sipas punonjëses së recepsionit deri tani që jemi në muajin maj, prenotimet për hotelin që ajo punon janë në masën 70 %, duke bërë një krahasim me një vit më parë, këtë vit prenotimet janë më të shumta, dhe kryesisht janë të huajt ata që kanë bërë prenotimet. Dhe në ditën në vijim priten të ketë më shumë prenotime.