Kokainë në kuti bananesh me vlerë 400 milion euro, shkatërrohet rrjeti i shqiptarëve

Autoritetet bavareze kanë shkatërruar një rrjet shqiptar të drogës dhe njëherësh kanë sekuestruar mbi një tonë kokainë, shkruan nachrichten.at.

Sipas medias austriake, 12 të arrestuarit janë shqiptarë, kurse sasia e konsiderueshme e lëndës narkotike është trafikuar me kuti bananesh drejt Gjermanisë.

“Përgjatë hetimit, sasi të ndryshme kokaine janë sekuestruar në dy landet gjermane North Rhine-Westphalia dhe Hamburg”, theksoi një zëdhënësi i Ministrisë së Brendshme bavareze.

Të arrestuarit kanë lidhje me një seri gjetjesh kokaine në supermarketet bavareze në shtator të vitit 2017, kur pako kokaine me të paktën 100 kg secila u zbuluan në 10 markete të ndryshme.

Autoritetet erdhën në përfundim se në tregjet gjermane është transportuar 1.8 tonë kokainë me vlerë prej 400 milion euro. Policia gjermane tha se bëhet fjalë për një “grusht të fortë” kundër krimit të drogës dhe detaje tjera do publikojnë të mërkurën.