Londra është qyteti më i gjelbër në Evropë

Londra ka fituar titullin «Qyteti më i gjelbër në Europë» falë faktit se 40 për qind e sipërfaqes është në të vërtetë një zonë e gjelbëruar, me rreth 8 milionë pemë.

Londra është një nga qytetet më të zhvilluara në botë dhe ka zonën më të populluar urbane në Bashkimin Evropian dhe e dyta më e madhja në Evropë. Në kundërshtim me opinionin publik, ky qytet ka shumë zona të gjelbra dhe parqe që i japin një pamje të veçantë. Parqet e Londrës janë një nga destinacionet turistike më të famshme, përcjell albinfo.ch.

«Hyde Park» është një nga parqet më të famshme në botë. Ka 4 mijë rrjedha, një liqen të madh dhe lloje të ndryshme të kafshëve. Parku «Regents» është një sipërfaqe prej 1.6 km katror, ​​dhe është bërë më 1811. Është i famshëm për kopshtet e bukura të luleve dhe për sheshe lojërash më të mëdhatë në natyrë në Londër.

Parku i «Shën Jakobit» është i rrethuar nga tri pallate mbretërore dhe mbulon një sipërfaqe prej 23 hektarësh. Është i famshëm për liqenin me pelikanë dhe paradën e kalorësisë mbretërore, dhe në ndërtesën e quajtur Mall gjatë vitit mbahen ceremoni të ndryshme, më shpesh mbretërore.