Qeveria, kundër prangave elektronike për të huajt që duhet të dëbohen

Këshilli Federal i ka rekomanduar Parlamentit që të hedhë poshtë mocionin me përmbajtjen përkatëse që e ka bërë deputeti i FDP-së nga Valisi, Philippe Nantermod

Keystone

Lidhja e prangave elektronike në vend të mbajtjes në burgun për dëbim të personave të cilëve u është shqiptuar masa e dëbimit nga Zvicra, është një ide të cilën Këshilli Federal e kundërshton me vendosmëri. Kështu, qeveria e vendit i ka rekomanduar Parlamentit që të hedhë poshtë mocionin me përmbajtjen përkatëse që e ka bërë deputeti i FDP-së nga Valisi, Philippe Nantermod, shkruan srf.ch.

Autori i mocionit në fjalë kishte argumentuar se prangat elektronike të këmbëve janë një alternativë më e lirë dhe më e respektueshme në krahaism me burgun për dëbim, transmeton albinfo.ch. Këshilli Federal, ndonëse e përshëndet idenë, mendon se kjo nevojitet që fillimisht të shqyrtohet në bashkëveprim me kantonet.

Veç kësaj, një person të cilit i janë vendosur prangat elektronike vërtet mund të kontrollohet në mënyrë që të mos e braktisë vendbanimin aktual, thuhet në argumentimin e qeverisë por me këtë nuk mund të evitohet rreziku i kalimit të tij në ilegalitet.