Lufthansa “fluturon” me kosto të ulët

Me një hap të tillë, Lufthansa planifikon që sërish ta bëjë profitabil biznesin e saj në Evropë

Kompania ajrore gjermane Lufthansa po planifikon ngritjen e një linje fluturimesh me kosto të ulët (low cost). Këtë vendim e ka marrë tashmë menaxhmenti i kompanisë në Frankfurt, sipas të cilit, për këtë linjë do të përshtatej filiala ekzistuese e Lufthansa-s, Germanwings.

Selia e kompanisë do të jetë në Këln.

Me një hap të tillë, Lufthansa planifikon që sërish ta bëjë profitabil biznesin e saj në Evropë. Kjo për faktin se deri më tash, ajo, në këtë domen të mbizotëruar tashmë nga kompanitë me kosto të ulët, është duke shënuar humbje të mëdha.

Sindikatat, që tash kanë paralajmëruar rezistencën kundër themelimit të kësaj kompanie. Ato druajnë se të punësuarit e Lufthansa-s do të detyrohen të kalojnë në kompaninë e re, ku fitimi do të jetë më i ulët.