Harron ku e ka lënë veturën, policia gjermane ndihmon zviceranin

Policët e kanë marrë me vete në veturë të moshuarin dhe bashkërisht e kanë kërkuar veturën e tij...

Policia gjermane e ka ndihmuar një turist zviceran gjatë të enjtes në Rheinfelden, pasi kishte rënë në telashe.

Turisti zviceran ishte paraqitur në stacionin policor dukshëm i shqetësuar, ka shkruar të premten policia gjermane, njofton “Albinfo.ch. Plaku 71-vjeçar zviceran ka pohuar se veturën e kishte parkuar në afërsi të qendrës tregtare. Kërkimi i tij kishte mbetur pa rezultat.

Policët e kanë marrë me vete në veturë të moshuarin dhe bashkërisht e kanë kërkuar veturën e tij. Më në fund vetura gjendet: “Ishte e parkuar në mënyrë të rregullt në rrugën `Emil-Frey-Strasse`” ka shkruar më tej policia. Vozitësi i ka falënderuar pa masë policët dhe ka marrë rrugën e kthimit për në Zvicër.