Ankand i perlës natyrale në Hagë

Ankandi i së enjtes do të jetë i pari në 240 vjet, në të cilin do të shitet një perlë dhe është vlerësuar mes 340 - 540 mijë euro

Perla më e madhe e njohur ujore, e quajtur edhe luani i fjetur, nga shkaku i formës së parregullt, do të shitet të enjten në ankand në Hagë.  Shitësit, një grup komercial i quajtur “Shoqëria e perlave nga Amsterdami” njoftoi se perla dikur ishte pronë e Katerinës së Madhe nga Rusia, e besohet se rrjedh nga Kina.

Ankandi i së enjtes do të jetë i pari në 240 vjet, në të cilin do të shitet një perlë dhe është vlerësuar mes 340 – 540 mijë euro.

Eksperti i perlave, Hanco Zvan, ka thënë se ajo është unike, sepse e ka formën natyrale dhe nuk ka asnjë intervenim njerëzor.  “Perla është unike, sepse është shumë e madhe, dhe çka është më e rëndësishme, ajo është natyrale. Shumica e perlave të sotme janë kulturuar, respektivisht janë prekur nga njeriu. E kjo e ka formën e vet ashtu siç u gjet në liqen apo lumë”, tha ai.

Një prej dëshmive të para të ekzistimit të kësaj perle qëndron në arkivin e Amsterdamit dhe peshon 578 karatë. Pronari aktual i saj, Herman Domise, i cili është kryesuesi i shoqërisë së Amsterdamit të perlave, ka thënë se ka vendosur ta shesë atë për shkak se është pjesë e rëndësishme e natyrës dhe duhet të qëndrojë e ekspozuar në muze.

“Mund të mendoni se po e shes, ngase kam nevojë për veturë të re apo diçka e tillë. Arsyeja është se nuk e ka vendin në koleksion privat, sepse është pjesë e rëndësishme e natyrës, andaj duhet të ekspozohet”.