Shkëlqen Shaqiri në fitoren e gjashtë të Bajernit

FC Bajern ka vazhduar serinë e fitoreve bindëse. Sot skuadra nga Mynihu ka mundur Werderin e Bremenit me rezultatin 2 me 0, duke shënuar fitoren e gjashtë në gjashtë javët e deritashme të bundesligës.

Kontributi i shqiptaro-zviceranit të famshëm, Xherdan Shaqirit edhe në këtë ndeshje që Bajerni e ka luajtur si mysafir, në Bremen, ka qenë shumë i madh.

Shaqiri është inkuadruar në lojë nga minuta e 59-të dhe gjatë gjithë kohës ka luajtur një rol qëndror në lojën e bavarezëve .

Në minutën e 83-të, nga një asist i saktë i Shaqirit, Mandzukic e pati fare lehtë të shënonte gol, duke nghritur rezultatin në 2 me 0 për Bajernin.