Futboll
Sot fillon Botërori: Hopp Schwiiz
Shqiptarët jo vetëm në Zvicër, por edhe anembanë botës do të kenë arsye të bëjnë tifo për Zvicrën, sepse luajnë katër futbollistë shqiptarë: Granit Xhaka, Xherdan Shaqiri, Valon Behrami dhe Blerim Xhemaili
Sot në Rusi fillon Kampionati Botëror i futbollit. 32 kombëtare me 736 futbollistë do të luftojnë për trofeun e çmuar.
64 ndeshje do të zhvillohen në 12 stadiume, kurse ndeshja hapëse do të jetë ndërmjet Rusisë dhe Arabisë Saudite, derisa paraprakisht do të zhvillohet ceremonia hapëse.
Shqiptarët jo vetëm në Zvicër, por edhe anembanë botës do të kenë arsye të bëjnë tifo për Zvicrën, sepse luajnë katër futbollistë shqiptarë: Granit Xhaka, Xherdan Shaqiri, Valon Behrami dhe Blerim Xhemaili, derisa në përgjithësi do të jenë pesë futbollistë shqiptarë, pasi edhe Adnan Januzaj paraqitet me Belgjikën.
Futbollisti më i ri te Zvicra është 21-vjeçari Breel Embolo, kurse më i vjetri është 34-vjeçari Stephan Lichtsteiner, i cili ka luajtur 99 ndeshje për Zvicrën.
Dhjetë futbollistë vijnë nga Bundesliga gjermane dhe pesë nga Serie A, kurse vetëm mbrojtësi Michael Lang nga FC Basel, luan në Zvicër.
Valon Behrami do të bëhet futbollisti i parë që përfaqëson Zvicrën në katër Kampionate Botërore. 33-vjeçari bëri një rekord të padëshiruar më 2010, kur u bë futbollisti i parë zviceran që ndëshkohet me karton të kuq. Ai gjithashtu ka marrë pjesë në dy Kampionate Evropiane.
Mosha mesatare e skuadrës së Zvicrës në kualifikuese ishte 26.6. Më i vjetri ishte ekipi i Panamasë (29.4), Nigeria më e re (24.9), dhe mesatarja ishte 27.4.
Ekipi i Zvicrës është mesatarisht i gjatë 183.5 cm. Skuadra më e lartë ishte Serbia (185.6 cm), më e vogla Arabia Saudite (176.2 cm) dhe mesatarja ishte 181.7 cm.
Ndeshjen e parë Zvicra do ta ketë të dielën ndaj pesë herë kampionëve të botës, Brazilit.
Ekipi i Zvicrës në Botëror
Portierë: Yann Sommer (Borussia Mönchengladbach), Roman Bürki (Borussia Dortmund), Yvon Mvogo (RB Leipzig)
Mbrojtës: Stephan Lichtsteiner (Juventus), Michael Lang (FC Basel), Ricardo Rodriguez (AC Milan), Jacques-François Moubandje (Toulouse), Manuel Akanji (Borussia Dortmund), Johan Djourou (Antalyaspor), Fabian Schär (Deportivo La Coruña), Nico Elvedi (Borussia Mönchengladbach)
Mesfushorë: Granit Xhaka (Arsenal), Valon Behrami (Udinese), Blerim Xhemaili (Bologna), Remo Freuler (Atalanta), Denis Zakaria (Borussia Mönchengladbach), Gelson Fernandes (Eintracht Frankfurt), Xherdan Shaqiri (Stoke City), Steven Zuber (Hoffenheim)
Sulmues: Breel Embolo (Schalke 04); Haris Seferovic (Benfica), Mario Gavranovic (Dinamo Zagreb), Josip Drmic (Borussia Mönchengladbach)
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Rritje 293 për qind e studentëve të huaj në Universitetin e Cyrihut ETH-të në Cyrih dhe Lozanë duhet të kursejnë para. Këshilli Federal vendosi së fundmi uljen e...
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve