CH-Ballkani
Numri më i ri i albinfo.ch i kushtohet “Stinës së dasmave”
Dasma në Kosovë, Shqipëri, Maqedoni e kudo ku jetojnë shqiptarët, ka një status me peshë të veçantë si një fenomen shoqëror, prandaj dhe angazhimi i kaq shumë njerëzve e bizneseve, në mënyrë të veçantë, vetëm për dasmat është treguesi më i mirë i kësaj peshe
Numri më i ri i revistës sonë i cili posa ka dalë nga shtypi, korrespondon me fillimin e pushimeve verore të mërgimtarëve tanë. Dhe, kur bëhet fjalë për pushimet verore që shqiptarët ende i bëjnë të shumtën në vendlindje, “ballafaqimi” i tyre me dasmat, është, thjesht i pashmangshëm. Pikërisht këtij “aktiviteti veror” i është kushtuar numri më i ri i albinfo.ch, me titullin tematik “Stinë dasmash”.
Në këtë numër shumë të pasur, që është e vetëkuptueshme, dasmat zënë vendin më të madh. Janë prezantuar një numër lokalesh hoteliere që merren me organizimin e dasmave, dhe biznese tjera që ofrojnë shërbime në këtë drejtim. Dasma në Kosovë, Shqipëri, Maqedoni e kudo ku jetojnë shqiptarët, siç dihet ka një status me peshë të veçantë si një fenomen shoqëror, prandaj dhe angazhimi i kaq shumë njerëzve e bizneseve, në mënyrë të veçantë, vetëm për dasmat është treguesi më i mirë i kësaj peshe.
Jo vetëm lokalet hoteliere prezantohen në këtë numër. Revista ofron edhe materie interesante për lexim, që kanë të bëjnë me evoluimin e dasmës ndër shqiptarët gjatë shekujve, pastaj studimin mbi karakterin e dasmave në trojet shqiptare etj.
Po ashtu janë anketuar të rinj, të martuar ose që “janë në radhë” për martesë lidhur me dasmat e tyre të preferuara, pastaj këngëtarë dasmash që tregojnë gjithçka përveç çmimeve të dasmave të kontraktuara etj.
Numri më i ri i revistës, ashtu sikurse edhe numrat tjerë, ofron edhe materiale tjera, nga fusha e kulturës, shoubiznesit, modës dhe sportit.
Albinfo.ch mund të gjendet dhe të merret gratis në të gjitha pikat ku frekuentojnë shqiptarët në gjithë Zvicrën
E-Diaspora
-
Spanjë: Vlerësohet shfaqja “Ëndrrat e Hamletit” e Mentor Zyberajt Mësohet se shfaqja “Ëndrrat e Hamletit”, me regji të Mentor Zyberajt ka marrë vlerësim të lartë...
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore