Së shpejti edhe lëndë djegëse ekologjike

Për të prodhuar lëndë djegëse për përdorim komercial nga burimet ekologjike duhet të kalojnë edhe dhjetë vjet

Për të prodhuar lëndë djegëse për përdorim komercial nga burimet ekologjike duhet të kalojnë edhe dhjetë vjet

Përpjekjet për të prodhuar lëndë djegëse të qëndrueshme dhe ekologjike janë duke dhënë rezultate inkurajuese. Kështu kanë njoftuar shkencëtarët nga Universiteti ETH i Cyrihut dhe nga Instituti Paul-Scherrer.

Bëhet fjalë për burime energjie, si: drita e diellit, uji dhe dioksidi i karbonit, shkruan gazeta “Landbote”. Këto lëndë do të mund të deponohen, të ruhen dhe të transportohen në relacione të gjata.

Hulumtimet gjenden edhe më tutje në fazën e tyre të hershme dhe, për të prodhuar lëndë djegëse për përdorim komercial nga burimet e përmendura duhen edhe shumë përpjekje. Hulumtuesit shpresojnë se në dhjetë vjetët e ardhshëm do të jetë e mundshme të hyjë në punë impianti i parë për prodhimin industrial të lëndës djegëse që do të përfitohet nga drita e diellit.