Sport
Federata zvicerane e futbollit shpërndante informata të rreme
Federata zvicerane e futbollit ka shpërndarë informata të rreme në lidhje me kombësinë e yjeve të futbollit.
Kaosi ka shpërthyer në Federatën zvicerane të futbollit (SFV): Shoqata ka përhapur informata të pakontrolluara dhe të rreme për shtetësinë e futbollistëve të saj, si pjesë e debatit për shtetësinë e dyfishtë të qytetarëve.
Për Granit Xhakën, mesfushorin shqiptar të lindur në Zvicër, është thënë se përveç pasaportës zvicerane posedon dhe ate shqiptare. Tani është dëshmuar se kjo është një informatë e rreme. Përveç pasaportës zvicerane, Xhaka nuk ka ndonjë tjetër – kështu që ai nuk ka as shtetësi shqiptare dhe kosovare, shkruajnë mediat zvicerane, përcjell Albinfo.ch.
Një informatë e tillë është konfirmuar nga këshilltari i Xhakës, avokati nga Berna André Gross, dhënë gazetës “SonntagsZeitung”. Edhe në Ambasadën shqiptare në Bernë, në regjistrin e qytetarëve nuk figuron ndonjë person me mbiemrin Xhaka të lindur më 1992.
Megjithëse Xhaka në vitin 2014 u emërua Ambasador Nderi i Kosovës, kjo mirënjohje zakonisht nuk jep shtetësi. Xhaka vetë e kishte përshkruar veten e tij si “qytetar aktual me shtetësi të dyfishtë”. Por tani është dëshmuar se ai nuk është. Në lidhje me këtë, Graniti nuk ka dashur të prononcohet.
Shaqiri dhe Behrami heshtin
Për lojtarët Xherdan Shaqiri dhe Valon Behrami, Federata zvicerane e futbollit gjithashtu njoftoi se të dy kanë një pasaportë shqiptare. Së paku, me Behramin është e diskutueshme, i cili kishte një pasaportë serbe. As menaxheri i Shaqirit e as ai Behramit nuk ka dashur të pronocohet për gazetën në fjalë.
Kohët e fundit, edhe Federata zvicerane e futbollit do të pauzojë. Informata të reja për pasaportat e lojtarëve nga ekipi kombëtar do të japin në fillim të shtatorit, ka deklaruar një zëdhënës i saj.
Të ngjashme
Të tjera nga Sport
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve