Peticion për të demantuar raportin e Martyt

Në Shqipëri, Kosovë dhe Maqedoni do të organizohet nënshkrimi i peticionit

Organizatat e dala nga lufta në Kosovë kanë njoftuar se ka filluar sot nënshkrimi i peticionit kundër raportit të Dick Martyt, i cili pastaj do t’i drejtohet Asamblesë Parlamentare të Këshillit të Evropës. Në Kosovë, në çdo qendër komunale do të vendosen tavolinat e posaçme, ku të gjithë qytetarët do të kenë mundësinë që përmes nënshkrimit të tyre të kundërshtojnë këtë raport fyes për kombin shqiptar, thuhet në një njoftim të organizatave të UÇK-së.Nënshkrimi i këtij peticioni është organizuar nga udhëheqjet e organizatave të luftëtarëve të UÇK-së dhe kjo ka hasur në përkrahje të spektrit politik shqiptar, organizatave studentore dhe shoqërisë civile anekënd trojeve shqiptare, thuhet më tutje dhe jepet teksti i arsyetimit të peticionit.