Shaqiri u kundërpërgjigjet kritikëve

Xherdan Shaqiri ka thënë se ishte shënuesi më i mirë dhe asistuesi më i mirë te Stoke City

Keystone

Xherdan Shaqiri shkëlqeu edicionin e kaluar për Stoke Cityn, megjithatë, kjo nuk mjaftoi sepse skuadra e Stoke ra një kategori më poshtë.

Ai kishte një klauzolë se mund të largohej nëse skuadra do të binte një kategori më poshtë, derisa ish-futbollisti dhe tashmë analisti i BBC-së, Gary Neville, e kishte quajtur jo profesionist, pasi dëshironte të largohej, përcjell albinfo.ch.

Tashmë Shaqiri ka nënshkruar me Liverpoolin, derisa nuk ka harruar t’i kundërpërgjigjet.

“Mendoj se statistikat e mija flasin vetë. Unë kam qenë top-golashënuesi dhe asistuesi më i mirë i ekipit dhe për këtë nuk kam se çfarë të shtojë më shumë. Besojë e din të gjithë që në atë ekip, kam qenë unë më i miri. E sa për Neville-in, ai ka qenë futbollist i Manchester Unitedit, ndoshta ai nuk e do Liverpoolin”, është shprehur Shaqiri për mediat angleze.

Shaqiri shënoi tetë gola dhe shtatë asistime për Stoke Cityn në edicionin e fundit.

Ai iu bashkua ekipit të Liverpoolit në Amerikë në përgatitjet që po i zhvillon skuadra angleze.