Mërgimtari nga Gjilani i ndaluar në Serbi pritet të dalë para gjykatës

Mërgimtari nga Gjilani i cili jeton dhe vepron në Gjermani pritet të dalë para gjykatës në lidhje me ndalimin e tij në pikën kufitare te Dheu i Bardhë.

Kështu të paktën ka informuar vëllai i mërgimtarit në ‘Facebook’, Musli Matoshi.

“Sipas informatave të mbrojtësit të të ndaluarit Ibrahim Matoshi, familjari ynë vazhdon të mbahet në ndalim, deri në vendimin final.Me sa kuptuam lënda tanimë ka kaluar në shqyrtim në shkallë tjetër për shqyrtim në gjykatën speciale…! Shpresojmë që lënda të shqyrtohet sa më shpejt dhe të vërtetohet pafajesia e familjarit tonë dhe në lirim te shpejt të tij”, ka shkruar vëllai i Ibrahim Musliut.

Ibrahim Musliu u arrestua më 13 gusht të këtij muaji në pikën kufitare te Dheu i Bardhë, shkruan Albinfo.ch.

Ai po udhëtonte për në Gjermani për të filluar punën ndërsa policia serbe e arrestoi nën arsyetimin se ka një lëndë të vitit 1999 për veprimtari gjatë kohës së luftës së fundit në Kosovë.